News Portal and Entertainment

தெஹிவளை மேம்பாலத்திற்கு முன்னால் முற்சக்கர வண்டி ஒன்று விபத்துக்குள்ளாயின! (2011.02.17)

2011-02-18T03:41:00.000-08:00

தெஹிவளை மேம்பாலத்திற்கு முன்னால் முற்சக்கர வண்டி ஒன்று விபத்துக்குள்ளாயின! (2011.02.17)

கடந்த வியாழக்கிழமை (2011.02.17) இரவு 7.45 மணியளவில் தெஹிவளை மேம்பாலத்தில் இருந்து வந்துகொண்டிருந்த முற்சக்கர வண்டி ஒன்று திடீரென விபத்துக்குள்ளாயின. மேம்பாலம் வழியாக வந்துகொண்டிருந்த முற்சக்கர வண்டி பாதையின் அருகில் உள்ள வீ தி தடைகளை தாண்டும்போது மறுபக்கமாக வந்த இன்னுமொரு முற்சக்கர வண்டியுடன் மோதியதால் இவ்விபத்து ஏற்பட்டது. இம்முற்சக்கர வண்டியில் பயணித்த சாரதி உட்பட இருவருக்கு இலேசான காயம் ஏற்பட்டுள்ளது. மேலும் இவ்விபத்து தொடர்பாக தெஹிவலை பொலிஸார் விசாரனைகளை மேற்கொண்டு வருகின்றனர்.

கொழும்பு நீதிமன்றில் கைதிகள் கைகலப்பு

2011-02-15T22:03:00.000-08:00

கொழும்பு மேல் நீதிமன்றில் இன்று வழக்கொன்றின் விசாரணைக்காக அழைத்து வரப்பட்ட இருவேறு பாதாள உலகக் கைதிகள் தங்களுக்குள் மோதிக் கொண்டுள்ளதாக நீதிமன்றத் தகவல்கள் தெரிவிக்கின்றன.

கொழும்பு மேல் நீதிமன்ற நீதவான் சரத் அம்பேபிட்டியவின் கொலை வழக்கில் குற்றவாளியாகக் காணப்பட்டு மரண தண்டனை விதிக்கப்பட்டுள்ள பொட்டு நவ்பர் இன்று வழக்கொன்றின் விசாரணைக்காக இன்று கொழும்பு மேல் நீதிமன்றத்துக்கு அழைத்து வரப்பட்டிருந்தார்.
அதன்போது அதே நீதிமன்றில் அவருக்கு எதிரான பாதாள உலகக்கும்பலின் உறுப்பினர்கள் சிலரும் வேறொரு வழக்கின் விசாரணைக்காக அழைத்து வரப்பட்டிருந்தனர். அவர்கள் பொட்டு நவ்பரைக் கண்டதும் கடும் ஆத்திரம் கொண்டனர்.
அதனையடுத்து அவர்கள் தங்கள் கை விலங்குகளைக் கழற்றி பொட்டு நவ்பர் மீது அவர்கள் வீசியெறிந்துள்ளனர். தாங்கள் சிறைத்தண்டனை அனுபவிக்க பொட்டு நவ்பர் தான் காரணம் என்றும் அவர்கள் கூச்சலிட்டுள்ளனர்.
அதனையடுத்து தன்னை நீதிமன்றத்துக்கு அழைத்து வந்த சிறை அதிகாரிகளைப் பார்த்து பொட்டு நவ்பர் தன்னைப் பாதுகாக்க நடவடிக்கை எடுக்குமாறு சத்தமிட்டுள்ளார். கைதிகள் மத்தியில் மூண்ட மோதல் காரணமாக வழக்குகள் இரண்டும் வேறொரு தினத்துக்கு ஒத்தி வைக்கப்பட்டுள்ளது.

பாதிக்கப்பட்டோருக்கு உடனடி நிவாரணம் வழங்குமாறு ஜனாதிபதியிடம் அமைச்சர் ஹக்கீம் வேண்டுகோள்

2011-02-15T21:51:00.001-08:00

கிழக்கு மாகாணத்திலும் பொலநறுவை, அநுராதபுரம், வவுனியா ஆகிய மாவட்டங்களிலும் வெள்ளப் பெருக்கினால் பாதிக்கப்பட்ட மக்களுக்கு உடனடி நிவாரணம் வழங்குவது தொடர்பாகவும் விவசாயிகளுக்கு ஏற்பட்டுள்ள பயிர்ச் செய்கை இழப்புகளை நிவர்த்தி செய்வது தொடர்பாகவும் நீதியமைச்சரும் ஸ்ரீலங்கா முஸ்லிம் காங்கிரஸ் தலைவருமான ரவூப் ஹக்கீம் ஜனாதிபதி மகிந்த ராஜபக்ஷவை சந்தித்துக் கலந்துரையாடியுள்ளார்.
இது தொடர்பாக நீதி அமைச்சு வெளியிட்டுள்ள அறிக்கையில் குறிப்பிடப்பட்டுள்ளதாவது;
வெள்ளிக்கிழமை பிற்பகல் இடம்பெற்ற இச்சந்திப்பின் போது தாம் விடுத்த வேண்டுகோளுக்கு ராஜபக்ஷ நிவாரண நடவடிக்கைகளைத் துரிதப்படுத்துவதாகவும் அடை மழை காரணமாக வயல் நிலங்கள் வெள்ளத்தில் மூழ்கியதால் நெற்பயிர்ச் செய்கைக்கு ஏற்பட்டுள்ள இழப்புகளையும் சேதங்களையும் மதிப்பீடு செய்யுமாறு விவசாய அமைச்சரிடம் கேட்டுக் கொள்வதாகவும் அதற்காக உயர்மட்டக் குழுவொன்றை வெள்ளப் பாதிப்புக்குள்ளான பிரதேசங்களுக்கு அனுப்பி வைப்பதாகவும் தெரிவித்துள்ளார்.
நிலைமையை நேரில் கண்டறிந்து உரிய நடவடிக்கைகளை மேற்கொள்வதற்காக வெள்ளத்தினால் அதிகமாகப் பாதிக்கப்பட்டுள்ள மாவட்டங்களுக்கு தாம் ஞாயிறு, திங்கட்கிழமைகளில் செல்லவிருப்பதாகவும் அமைச்சர் ஹக்கீம் மேலும் கூறினார்.
திருகோணமலை மாவட்டத்தில் மூதூர் மற்றும் அதனை அண்டிய பிரதேசங்களில் வெள்ள நீர் மட்டம் உயர்வடைந்து கொண்டே செல்வதனால் அங்குள்ள மக்களை இயன்ற வரை விரைவாக திருகோணமலைக்கு கப்பல், வள்ளங்கள் மூலமாக அப்புறப்படுத்துவதற்கான ஏற்பாடுகளைச் செய்யுமாறு திருமலை துறைமுக மாஸ்டர் கப்டன் லக்ஷீ வசந்தவுடன் தொடர்பு கொண்டு அமைச்சர் பணித்துள்ளார்.
சேருவில2 என்ற கப்பலை அதற்குப் பயன்படுத்த முடியும் என கப்டன் வசந்த இணக்கம் தெரிவித்துள்ளார்.
கிழக்கு மாகாணத்தில் அம்பாறை, மட்டக்களப்பு, திருகோணமலை மாவட்டங்களிலும் பொலனநறுவை, அநுராதபுரம், வவுனியா மாவட்டங்களிலும் பல தாழ்நிலப் பிரதேசங்கள் வெள்ளப் பாதிப்புக்கு உள்ளாகியுள்ளதால் அங்குள்ள மக்கள் அனுபவிக்கும் இன்னல் குறித்தும் இழப்புகள் குறித்தும் தாம் அதிகம் கவலையடைந்துள்ளதாகவும் அதிக கரிசனை கொண்டுள்ளதாகவும் அமைச்சின் அறிக்கையில் குறிப்பிடப்பட்டுள்ளது

கிழக்கிலங்கையில் வெள்ளத்தால் பாதிக்கப்பட்டுள்ளவர்களுக்கு நிவாரண உதவி

2011-02-06T09:02:00.001-08:00

கிழக்கிலங்கையில் வெள்ளத்தால் பாதிக்கப்பட்டுள்ளவர்களுக்கு நிவாரண உதவி

மனித உரிமைகள் பொதுச் சேவை ஸ்தாபனத்தின் கண்டிக்கிளை கிழக்கிலங்கையில் வெள்ளத்தால் பாதிக்கப்பட்டுள்ளவர்களுக்கு பல இலட்ச ரூபா பெறுமதியான நிவாரணப் பொருட்களை கையளித்தது.

மடவளைக் கிராமத்தை மையமாகக் கொண்டு இப் பொருட்கள் சேகரிக்கப்பட்டதாக மேற்படி அமைப்பின் கண்டி மாவட்ட அமைப்பாளர் ஏ.ஹனீப் தெரிவித்தார்.

இக் கையளிப்பு வைபவத்தில் மனித உரிமைகள் பொது சேவை ஸ்தாபனத்தின் பணிப்பாளர் நாயகம் டாக்டர் எம்.அஸீம் மற்றும் மௌவி லமீர்ஹாபிஸ், சுல்தான் ட்ரவலர்ஸ் நிறுவனத்தினர் உட்படப் பலரும் கலந்து கொண்டனர்.

வலப்பனையில் மண்சரிவு

2011-02-06T09:01:00.000-08:00

வலப்பனையில் மண்சரிவு

வலப்பனை பிரதேச செயலாளர் பிரிவில் சுமார் 20 ஏக்கர் நிலத்தில்; மண்சரிவு ஏற்பட்டுள்ளது. இதனால் பொதுமக்கள் பலர் இடம்பெயர்ந்துள்ளனர். வலப்பனை தியனில்ல என்ற இடத்தில் ஏற்பட்டுள்ள இம் மண்சரிவு காரணமாக 60 குடும்பங்களைச் சேர்ந்த மக்கள் இராகலை சிங்கள மகா வித்தியாலயத்தில் தங்கவைக்கப் பட்டுள்ளனர்.
மண்சரிவு கட்டிட ஆராய்ச்சி நிறுவனத்தின் பணிப்பாளர் ஆர்.எம்.எஸ். பண்டார இது பற்றித் தெரிவிக்கையில் மகாவெல, கரண்டியெல்ல, கும்பல்கமுவ முதலான பகுதிகளிலும் மண் சரிவு அபாயம் ஏற்பட்டுள்ளதாக தெரிவித்தார். இதனால் மகாவெல பகுதியில் 19 குடும்பங்களும் குமால் கமுல பகுதியில் 15 குடும்பங்களும் பாதுகாப்பான இடங்களுக்கு சென்றுள்ளதாக தெரிவித்தார்.

மாத்தளையில் கடும் மழை: அவசரகாலச் சூழ்நிலை பிரகடனம்.

2011-02-06T08:56:00.001-08:00

மாத்தளையில் கடும் மழை: அவசரகாலச் சூழ்நிலை பிரகடனம்.

மாத்தளை மாவட்டத்தில் பெய்துவரும் அடைமழை காரணமாக அவசரகாலச் சூழ்நிலை பிரகடனம் படுத்தப்பட்டுள்ளதாக தெரிவிக்கப்படுகின்றது.
மாத்தளை மாவட்டத்தின் தம்புள்ளை, உக்குவெல, ரத்தோட்டை முதலான பகுதிகளில் கடும் மழை காரணமாக அனர்த்தங்கள் ஏற்பட வாய்ப்பு உள்ளதாகவும் இதனைத் தவிர்ப்பதற்காக அவசரகாலச் சூழ்நிலை பிரகடனப்படுத்தப்பட்டுள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

கொழும்பு மாளிகாவத்தை பிரதேசத்தில் சட்டவிரோத கட்டிடங்கள் அகற்றப்பட்டன.

2011-02-06T08:55:00.000-08:00

கொழும்பு மாளிகாவத்தை பிரதேசத்தில் சட்டவிரோத கட்டிடங்கள் அகற்றப்பட்டன.

கொழும்பு மாளிகாவத்தை பிரதேசத்தில் சட்டவிரோதமாக கட்டப்பட்டிருந்த கட்டிடங்கள் இன்று வீடமைப்பு அதிகார சபையினால் அகற்றப்பட்டன. இதன்போது மாடிக்கட்டிடங்களின் முன்னாள் கட்டப்பட்டிருந்த கட்டிடங்களையும் அகற்றினர்.
எதிர்வரும் உலகக் கிண்ண கிரிக்கெட் தொடரை முன்னிட்டு கொழும்பு நகரை அழகுபடுத்தும் திட்டத்தின் கீழ் இந்தச் சட்டவிரோத கட்டிடங்கள் அகற்றப்படுவதாக வீடமைப்பு அதிகார சபையின் அதிகாரிகள் இணையத்தளத்துக்குத் தெரிவித்தனர்.

Server is reactive!!!

2011-02-06T08:39:00.000-08:00

Welcome viewers. Sky Network's web server is now activated and sorry for the system down!
Regards: The Sky Network Team

கிழக்கு மாகாண நிலைமை! 502 முகாம்களில் பாதிக்கப்பட்ட மக்கள்!! வெள்ளத்தில் சிக்குண்டு 18பேர் உயிரிழப்பு

2011-01-14T01:34:00.001-08:00

கிழக்கு மாகாணம் உள்ளிட்ட நாட்டில் பல்வேறு பகுதிகளிலும் பெய்துவரும் கடும் மழை காரணமாக இதுவரை 9 இலட்சத்து 66 ஆயிரத்து 757 பேர் பாதிக்கப்பட்டுள்ளனர். இரண்டு இலட்சத்து 57 ஆயிரத்து 993 குடும்பங்கள் இடம் பெயர்ந்துள்ளன. 502 முகாம்களில் ஒரு இலட்சத்து 97 ஆயிரத்து 221 பேர் தங்கியுள்ளனர்.

இதுவரை வெள்ளத்தில் சிக்கி 18 பேர் மரணமடைந்துள்ளதுடன் 49 பேர் காயமடைந்துள்ளனர் என்று இடர் முகாமைத்துவ மத்திய நிலையத்தின் பணிப்பாளர் நாயகம் மேஜர் ஜெனரல் காமினி ஹெட்டியாரச்சி தெரிவித்தார்.
கிழக்கு மாகாணத்தின் மட்டக்களப்பு மாவட்டத்திலேயே அதிகமான மக்கள் பாதிக்கப்பட்டுள்ளனர். பாதிக்கப்பட்ட அனைத்து குடும்பங்களுக்கும் தேவையான உதவிகள் வழங்கப்பட்டுவருகின்றன. உணவுப் பொருட்கள் ஹெலிகப்டர்கள் மற்றும் படகுகள் ஊடாக வழங்கப்பட்டுவருகின்றன என்றும் அவர் குறிப்பிட்டார்.
ஊடகத்துறை அமைச்சில் நேற்றுக்காலை நடைபெற்ற கலந்துரையாடலில் கலந்துகொண்டு கருத்து வெளியிடுகையிலேயே அவர் இந்த விபரங்களை குறிப்பிட்டார். அவர் அங்கு மேலும் கூறியதாவது
கடந்த சில தினங்களாக நாட்டின் பல்வேறு பாகங்களிலும் பெய்துவரும் கடும் மழை காரணமாக கிழக்கு மாகாணத்தின் மட்டக்களப்பு, அம்பாறை, திருகோணமலை, பொலன்னறுவை மாவட்டங்கள் உள்ளிட்ட பல பகுதிகளிலுமாக இதுவரை 9 இலட்சத்து 66 ஆயிரத்து 757 பேர் பாதிக்கப்பட்டுள்ளனர். இரண்டு இலட்சத்து 57 ஆயிரத்து 993 குடும்பங்கள் இடம் பெயர்ந்துள்ளன. 502 முகாம்களில் ஒரு இலட்சத்து 97 ஆயிரத்து 221 பேர் தங்கியுள்ளனர்.
மட்டக்களப்பில் 533000 பேர் பாதிப்பு
கிழக்கு மாகாணத்தின் மட்டக்களப்பு மாவட்டத்திலேயே அதிகமான மக்கள் பாதிக்கப்பட்டுள்ளனர். அம்மாவட்டத்தில் ஐந்து இலட்சத்து 33 ஆயிரம் மக்கள் பாதிக்கப்பட்டுள்ளனர். 225 முகாம்களில் ஒரு இலட்சத்து 22 ஆயிரம் பேர் தங்கியுள்ளனர். இம்மாவட்டத்தில் ஏழு பேர் மரணமடைந்துள்ளனர்.
மட்டக்களப்பு மாவட்டத்தில் செவ்வாய்க்கிழமை 140 மில்லிமீற்றர் அளவில் மழை பெய்துள்ளது. புதன்கிழமை 113 மில்லி மீற்றர் அளவில் மழை பெய்துள்ளது.

அம்பாறையில்
அம்பாறை மாவட்டத்தில் 88 ஆயிரத்து 376 குடும்பங்கள் பாதிக்கப்பட்டுள்ளன. 7817 குடும்பங்களை சேர்ந்த 28 ஆயிரத்து 744 பேர் முகாம்களில் தங்கியுள்ளனர். திருகோணமலை மாவட்டத்தில் 8065 குடும்பங்களை சேர்ந்த 31 ஆயிரத்து 374 பேர் பாதிக்கப்பட்டுள்ளனர்.
பொலன்னறுவை மாவட்டத்தில் 2705 குடும்பங்களை சேர்ந்த 10882 பேர் பாதிக்கப்பட்டுள்ளனர். அம்மாவட்டத்திலும் வீடுகளுக்கு சேதம் ஏற்படவில்லை. திருகோணமலை மற்றும் பொலன்னறுவை மாவட்டங்களில் நிலைமை ஆரோக்கியமானதாக மாறிவிருகின்றது. மொத்தமாக இதுவரை 18 பேர் மரணமடைந்துள்ளதுடன் 49 பேர் காயமடைந்துள்ளனர்.

200 குளங்கள் உடைப்பெடுத்துள்ளன
2 இலட்சம் ஏக்கர் வயல் நாசம் மட்டக்களப்பிலும் அம்பாறையிலும் தொடர்ந்து மழை பெய்கின்றது. இதேவேளை இந்த மாவட்டங்களில் இதுவரை 200 சிறியளவிலான குளங்கள் உடைப்பெடுத்துள்ளன. சுமார் இரண்டு இலட்சம் ஏக்கர் வயல்கள் அழிவடைந்துள்ளன. மட்டக்களப்பு அம்பாறை மற்றும் பொலன்னறுவை மாவட்டங்களில் பல வீதிகள் நீரில் மூழ்கியுள்ளன.
பாதிக்கப்பட்ட பிரதேசங்களில் பொலிஸார் இராணுவத்தினர் கடற்படையினர் மற்றும் விமானப் படையினர் பாரிய சேவைகளை வழங்கிவருகின்றனர்.
அந்த மக்களுக்கான பாதுகாப்பு மற்றும் ஏனைய தேவைகளை வழங்குவதில் அவர்கள் பணியாற்றிவருகின்றனர். இரண்டு ஹெலிகப்டர்களில் உணவுகளை அனுப்பி வருகின்றோம். படகுகளிலும் உணவு அனுப்பப்படுகின்றது.

மட்டக்களப்பில் அதிகமான பாதிப்பு
இதேவேளை மட்டக்களப்பு மாவட்டத்திலேயே நிலைமை மேசமாகவுள்ளது. அங்கு உணவு கொண்டுசெல்வதற்கும் சிக்கல்கள் காணப்படுகின்றன. பல சவால்களுக்கு மத்தியில் செயற்பட்டுவருகின்றோம்.
எனினும் அந்த மாவட்டத்துக்கும் படகுகளில் உணவுகளை அனுப்பிவருகின்றோம். அனர்த்த முகாமைத்துவ நிலையமானது அனைத்து விதமான ஒருங்கிணைக்கும் பணிகளையும் மேற்கொண்டுவருகின்றது.
அரச நிறுவனங்கள் அரசசார்பற்ற நிறுவனங்கள் மற்றும் அமைப்புக்களுக்கு இடையில் இணைப்புக்களை ஏற்படுத்திவருகின்றோம். மாவட்ட மட்டத்திலும் பல குழுக்களை அமைத்து செயற்பட்டுவருகின்றோம்.
அனர்த்த முகாமைத்துவ அமைச்சின் மேலதிக செயலாளர் காமின ராஜகருண கருத்து வெளியிடுகையில் கூறியதாவது அரச அதிபர்கள் ஊடாக
48 மில்லியன் ரூபா நிதி ஒதுக்கீடு
இதுவரை மட்டக்களப்பு மாவட்டத்துக்கு 25 மில்லியன் ரூபாவும் அம்பாறைக்கு 8 மில்லியன் ரூபாவும் திருகோணமலைக்கு ஐந்து மில்லியன் ரூபாவும் அனுராதபுரத்துக்கு 2.5 மில்லியன் ரூபாவும் பொலன்னறுவைக்கு 3.5 மில்லியன் ரூபாவும் கண்டிக்கு 1.3 மில்லியன் ரூபாவும் வழங்கப்பட்டுவிட்டன.
மொத்தமாக 48 மில்லியன் ரூபா வழங்கப்பட்டுள்ளது. பாதிக்கப்பட்ட மக்கள் ஒரு தடவைக் கூட பசியுடன் இருக்காத வகையில் ஏற்பாடுகளை மேற்கொண்டுள்ளோம். உலர் உணவு மற்றும் சமைத்த உணவு தண்ணீர் போத்தல்கள் மற்றும் தேவையான உபகரணங்கள் என பலவற்றை வழங்கிவருகின்றோம்.
இதேவேளை பொத்துவில் பகுதியிலிருந்து மீன்பிடிக்கச்சென்ற 10 மீனவர்களைக் காணவில்லை என உறவினர்களால் அமைச்சர் ரவூப் ஹக்கீமிற்கு முறையிடப்பட்டுள்ளது. அவர் உடனடியாக கடற்றொழில் அமைச்சருடன் தொடர்புகொண்டு காணாமல் போன மீனவர்களைக் கண்டுபிடிப்பதற்குரிய நடவடிக்கைகளை தங்காலை பிரதேச கடற்படைப் பிரிவினர் மேற்கொண்டுவருவதாகவும் தெரிவிக்கப்படுகிறது.

வாட்டி வதைக்கிறது குளிர்! மட்டக்களப்பு, வாகரையில் குளிரில் விறைத்து 5 போ் மரணம்

2011-01-14T01:32:00.001-08:00

வழமைக்கு மாறாக கடும் குளிருடன் கூடிய காலநிலை நாடளாவிய ரீதியில் ஏற்பட்டிருக்கும் நிலையில் மட்டக்களப்பு மற்றும் வாகரைப் பகுதிகளைச் சோ்ந்த ஐந்து போ் குளிரில் விறைத்து நேற்று வியாழக்கிழமை மரணமடைந்துள்ளனர்.

அதிக குளிரினால் உடல் வெப்பநிலை குறைவடைந்ததால் அவர்கள் இறந்திருப்பதாக வாகரை உதவி அரசாங்க அதிபர் ஆர். இராஜகுலநாயகி தெரிவித்திருக்கின்றார். இறந்தவர்களில் ஒருவர் மட்டக்களப்பு நகர வீதியில் பிச்சை எடுப்பவராவார்.
நேற்று முன்தினம் புதன்கிழமை மட்டக்களப்பு மாவட்ட வெப்பநிலை சுமார் 16 பாகையளவிற்கு குறைவடைந்திருந்தது.
மட்டக்களப்பு மாவட்டத்தில் பெய்துவந்த மழை ஓய்ந்த நிலையில் நிலவும் கடும் குளிர் காரணமாக ஐந்து போ் உயிரிழந்துள்ளனர். கடும் குளிர் காரணமாக முதியவர்களும் குழந்தைகளும் மிகவும் கஷ்டத்தை எதிர்நோக்கி வருகின்றனர்.
நேற்று வெயில் எறித்தபோதும் வயதானவர்களால்கூட தாக்குப் பிடிக்க முடியாதளவிற்கு குளிர் காணப்பட்டது. கடும் குளிர் காரணமாக நேற்று திருமலை வீதியில் சம்பத் வங்கிக்கு அருகாமையில் உள்ள மருந்தகம் முன்பாக காரைதீவைச் சோ்ந்த 53 வயதுடைய நல்லையா அமிர்தலிங்கம் உயிரிழந்துள்ளார். இவருடைய சடலத்தை மனைவி அடையாளம் காட்டியுள்ளார்.
அத்துடன் ஜெயந்திபுரத்தில் 40 வயதுடைய ரவி என்பவர் நீரில் வழ்ந்து குளிரினால் மரணமடைந்ததுடன் ஊறணியில் வயோதிபப் பெண்ணொருவர் குளிர் காரணமாக நேற்று முன்தினம் உயிரிழந்துள்ளார்.
இதேவேளை வாகரை வம்மிவெட்டுவானிலும் ஒருவர் உயிரிழந்துள்ளார். மொத்தமாக மட்டக்களப்பு மாவட்டத்தில் மட்டும் 17 போ் உயிரிழந்துள்ளனர்.
இலங்கையில் 61 வருடங்களின் பின்னர் வெப்பநிலை இந்த வருடமே குறைவடைந்துள்ளது. கடுமையான மழையினாலும் நாட்டின் கிழக்கு, மத்திய பிராந்தியங்கள் மோசமாகப் பாதிக்கப்பட்டிருக்கும் நிலையில் நாடளாவிய ரீதியில் தற்போது ஏற்பட்டுள்ள குளிரினால் மக்கள் பல்வேறு உபாதைகளுக்குள் சிக்கியுள்ளனர்.

கணனிக்குள் கஞ்சா: இளைஞர்கள் ஐவர் கைது _

2011-01-14T01:31:00.001-08:00

கணனி ஒன்றில் மறைத்து வைத்துக் பாடசாலை மாணவர்களுக்கு போதைப் பொருள் விற்பனை செய்த ஐந்து இளைஞர்கள் கட்டுகஸ்தோட்டை பொலிஸாரினால் கைது செய்யப்பட்டுள்ளனர்.
கட்டுகஸ்தோட்டை நகரில் இளைஞர் ஒருவரும் அவருடைய நண்பர்கள் சிலரும் சேர்ந்து தனது வீட்டுக் கணனியின் உட்பகுதியில் கஞ்சாவை மறைத்து வைத்து நீண்ட காலமாக பாடசாலை மாணவர்களுக்கு விற்பணை செய்துள்ளதாக பொலிஸார் தெரிவித்தனர்.
இவர்கள் கைது செய்யப்பட்ட போது கணனிக்குள் மறைத்து வைக்கப்பட்டிருந்த 30 கஞ்சா பக்கட்டுகள் கண்டெடுக்கப்பட்டுள்ளதுடன் ஒரு பக்கட் 250 ரூபா வீதம் விற்பனை செய்யப்பட்டதாகவும் பொலிஸார் தெரிவிக்கின்றனர்.
கைது செய்யப்பட்ட சந்தேக நபர்கள் கண்டி பிரதான நீதவான் முன் ஆஜர் செய்யவுள்ளதாக தெரிவிக்கப்படுகின்றது. _

மழை,வெள்ளம் காரணமாக 750, 000 பேர் பாதிப்பு; பத்துப் பேர் மரணம்

2011-01-14T01:30:00.001-08:00

நாட்டின் பல இடங்களில் நிலவும் சீரற்ற காலநிலை காரணமாக இதுவரை பத்துப் பேர் மரணமடைந்துள்ளனர்.
750, 000 த்துக்கும் அதிகமானவர்கள் பாதிக்கப்பட்டுள்ளனர், 55936 பேர் இடம்பெயர்ந்துள்ளனர் என்று இடர் முகாமைத்துவ நிலையம் அறிவித்துள்ளது.
இதேவேளை இன்றும் நாளையும் தொடர்நது மழை பெய்யும் என்று காலநிலை அவதான நிலையம் அறிவித்துள்ளது. கிழக்கு, வடக்கு, மத்திய ,ஊவா , மாகாணங்களிலும் அம்பாந்தோட்டை மாவட்டத்திலும் தொடர்ந்து மழை பெய்யும் என்று அறிவிக்கப்பட்டுள்ளது.

வட.கிழக்கில் 3 இலட்சத்து 7 ஆயிரம் மிதிவெடிகள் அகற்றப்பட்டுள்ளன

2011-01-14T01:29:00.001-08:00

வடக்கு கிழக்குப் பகுதிகளில் இதுவரையிலும் 3 இலட்சத்து 7 ஆயிரத்து இருநூறு மிதிவெடிகள் அகற்றப்பட்டுள்ளதுடன் இன்னும் 1,872 சதுர கிலோமீற்றர் பரப்பளவு பகுதிகளில் மிதிவெடிகள் அகற்றப்படவுள்ளதாக இராணுவப் பேச்சாளர் மேஜர் ஜெனரல் உபய மெதவெல தெரிவித்துள்ளார்.
யாழ்ப்பாணம், முல்லைத்தீவு, திருகோணமலை, மட்டக்களப்பு, பொலன்னறுவை மற் றும் வவுனியா ஆகிய மாவட்டங்களிலேயே இவ்வாறு மிதிவெடிகள் அகற்றப்பட்டுள்ளதுடன், எஞ்சியுள்ள பகுதிகளில் மிதிவெடிகள் அகற்றும் பணிகள் முன்னெடுக்கப்பட்டு வருவதாகவும் அவர் தெரிவித்துள்ளõர். இது தொடர்பில் மேலும் அவர் தெரிவித்துள்ளதாவது:
இந்த மிதிவெடிகள் அகற்றும் நடவடிக்கைகளில் உள்ளூர் அமைப்புக்களுடன் சர்வதேச அமைப்புக்கள் பலவும் இணைந்து செயற்பட்டுவந்துள்ளன. ஒட்டுசுட்டான் மற்றும் நெடுங்கேணி ஆகிய பகுதிகளில் முற்றாக மிதிவெடிகள் அகற்றப்பட்டுள்ளன.
கிளிநொச்சியின் பல பகுதிகளிலும் முகமாலை மற்றும் ஆனையிறவு, பரந்தன் வரையி லான ஏ9 வீதியிலும் மிதிவெடிகள் அகற்றும் பணிகள் இடம்பெறுகின்றன.

வீட்டின்முன் வந்துநின்ற ஹைஎஸ் வானைக் கண்டு ஓடிய வர்த்தகரை பதம் பார்த்தது போத்தல் ஓடு

2011-01-09T08:51:00.000-08:00

வீட்டின் முன்பக்கத்தில் திடீரென வந்துநின்ற "ஹைஏஸ்" வாகனத்தைக் கண்டு வீட்டின் பின்புறக் கதவைத் திறந்து ஓடினார் வீட்டுக்காரர்! திகிலடைந்து கண்மண் பாராது ஓடிய அவரது காலை உடைந்த போத்தல் ஓடு பதம் பார்த்தது.
இந்தச் சம்பவம் யாழ்.நகரில் நேற்று முன்தினம் இரவு இடம்பெற்றுள்ளது.
குடாநாட்டில் வெள்ளைவான் பீதி மக்களை எவ்வாறு அச்சத்தில் உறையவைத்துள்ளது என்பதை இந்தச் சம்பவம் எடுத்துக் காட்டுகிறது.
இச்சம்பவம் குறித்து மேலும் தெரியவருவதாவது:
போத்தல் ஓடு (பிசுங்கான்) வெட்டியதில் அவரது கால் பாதம் பிளந்த நிலையில் தலை தெறிக்க ஓடிய அவர், அயல் வீடொன்றில் அடைக்கலம் புகுந்தார். அவர்கள் காயமடைந்தவரை இரத்தம் ஓட ஓடத் தனியார் ஆஸ்பத்திரிக்குக் கூட்டிச் சென்றனர்.
இவருக்கு நடந்த இந்தச் சம்பவத்தை அறிந்திராத அவரது உறவினர்கள் இவர் கடத்தப்பட்டுவிட்டார் என்று கருதிப் பதற்றமடைந்தனர்.
இது குறித்து அவர்கள் பொலிஸ் நிலையத்துக்கும் தகவல் கொடுத்துவிட்டனர்.
இந்நிலையில் அவர் தனியார் வைத்தியசாலையில் சிகிச்சையைப் பெற்றுக் கொண்டு நண்பர்களின் உதவியுடன் நள்ளிரவு வேளை வீடு திரும்பிவந்தார். அதன் பின்னரே வீட்டாருக்குப் "புதினம்" தெரியவந்தது.
இதேவேளை, வீட்டார் செய்த முறைப்பாடு வாபஸ் பெறாத நிலையில் நேற்றுக்காலை பொலிஸார் பிரஸ்தாப வர்த்தகரை பொலிஸ் நிலையம் அழைத்திருந்தனர். அவரை விசாரணைக்காக நீண்டநேரம் வைத்திருந்துவிட்டு மாலை 5 மணிக்கே வீடு செல்ல அனுமதித்தனர்.

இலங்கை முழுவதும் பெய்த அடைமழை........

2011-01-09T04:17:00.000-08:00

நேற்று இரவு முதல் இன்று (9 ஜனவரி 2011) வரை பெய்த அடைமழையும் மற்றும் பலத்த காற்று காரணமாக அம்பாரை மாவட்டம் உட்பட இலங்கையில் பல்வேறு பகுதிகளும் சேதத்துக்குள்ளாகியுள்ளன. மேலும் இக்காலநிலை மாற்றத்தினால் வீதிகள் ஆங்காங்கே சேதத்திற்குள்ளாகியிருப்பதனால் போக்குவரத்து தடைப்பட்டுள்ளது.

மேலும் இந்த அடைமழையினால் இந்த காலநிலையின் மாற்றத்தினால் போக்குவரத்து தடை, அரசாங்க அலுவலகங்கள் மூடப்பட்டுள்ளன, பாடசாலைகள் மூடப்பட்டுள்ளன, வியாபார நிலையங்கள் ஸ்தம்பிதம், மக்கள் இடம்பெயர்வு,மேலும் இந்த காலநிலையின் அகோரத்தினால் மக்கள் அச்சத்துக்குள்ளாகியுள்ளனர்.

மேலும் கல்முனையை சேர்ந்த இரு நபர்கள் கொழும்பில் இருந்து வந்துகொண்டிருந்தபோது வௌ்ளத்தில் அடித்துச்செல்லப்பட்டு உயிரிழந்துள்ளனர். இதுவரை ஒருவருடைய சடலம் மட்டுமே மீட்கப்பட்டுள்ளது.

கீழே படத்தில் காட்டப்படுள்ள இடங்கள்.
# கல்முனை ஸாஹிறா தேசிய பாடசாலை
# வீடுகள் வௌ்ளத்தினால் மூழ்கியுள்ளன
# கல்முனை நகரம் உட்பட ஏனைய இடங்களில் வியாபார நிலையங்கள் ஸ்தம்பிதம்
# போக்குவரத்து தடை
# வீதிகள் வௌ்ளத்தினால் மூழ்கியுள்ளன.

வீட்டிலிருந்த பெண் அடித்துக் கொலை! கொலையாளி தப்பியோட்டம்.05/01/11

2011-01-08T07:15:00.001-08:00

வீட்டிலிருந்த பெண் அடித்துக் கொலை! கொலையாளி தப்பியோட்டம்.05/01/11

மதிய வேளையில் வீட்டில் தனிமையில் இருந்த பெண்ணை இனந்தெரியாத மர்ம நபர் ஒருவர் அடித்துக் கொலை செய்துள்ளார்.
இந்த சம்பவமானது காலி மாவட்டத்தின் ஹக்மீமன என்ற இடத்தில் இடம்பெற்றுள்ளதுடன் இந்த கொலைக்கான பின்னணியும் இன்னும் மர்மமாகவே இருந்து வருகிறது.
எதற்காக இந்த பெண் அடித்துக் கொலை செய்யப்பட்டுள்ளார், யார் இவரை கொலை செய்ததது என்பது தொடர்பான விசாரணகடந்த மூன்றாம் திகதி முதல் இடம்பெற்று வருகின்றன.

யாழ். செம்மணியில் அரைகுறை ஆடைகளுடன் இளைஞர் கும்பல் அட்டகாசம்!

2011-01-08T07:13:00.001-08:00

யாழ். செம்மணியில் அரைகுறை ஆடைகளுடன் இளைஞர் கும்பல் அட்டகாசம்!

யாழ். செம்மணி நீரேரியில் இளைஞர் கும்பல் ஒன்று மது போதையில் அரைகுறை ஆடைகளுடன் நீராடியதுடன் வீதியில் வாகனங்களில் சென்றவர்களுடனும் பகிடியில் ஈடுபட்டுள்ளனர். இதனால் பொதுமக்கள் பாரிய அசௌகரியங்களுக்கு உள்ளானதாக யாழ். தகவல்கள் தெரிவிக்கின்றன.
இந்த இளைஞர்களில் பலர் யாழ்.நகரில் கஸ்தூரியார் வீதிப் பகுதியைச் சேர்ந்தவர்கள் என தெரியவந்துள்ளது. சிறிய ரக வாகனம் ஒன்றில் வந்து இவர்கள் செம்மணியில் ஏ9 வீதியில் உப்பளப் பக்கம் இருந்து மறுபக்கமாகப் பாய்ந்த வெள்ள நீரில் அரைகுறை ஆடைகளுடன் நீராடியுள்ளனர்.
இவர்கள் தண்ணீரில் நின்ற படி வீதியில் சைக்கிளில் சென்ற யுவதிகளையும், பஸ்ஸில் சென்ற யுவதிகளையும் தகாத வார்த்தைகளால் திட்டியதாக தெரிவிக்க்படுகிறது. வாகனங்களின் குறுக்கே பாய்ந்தும் மறித்தும் காடைத்தனம் புரிந்ததாக யாழ். செய்திகள் தெரிவிக்கின்றன.
சில நேரங்களில் நிர்வானமாக இவர்கள் இருந்தமையால், வீதியால் சென்ற பெண்கள் என்ன செய்வது எனத் தெரியாது கலக்கத்துடன் தலை குனிந்தவாறு சென்றதனை அங்கு அவதானிக்க முடிந்ததாக எமது செய்தியாளர் தெரிவிக்கின்றார்.
கும்பல் தங்களுக்குள்ளேயே சண்டையிட்டுக் கொண்டு பின்னர் வாகனத்தில் ஏறிச் சென்றுள்ளனர். இதேநேரம் இவர்களின் இந்த அநாகரிகச் செயலைக் கண்டு புத்திமதி சொல்லப்போன முதியவர் ஒருவர் அவமானப்பட்டார்.

யாழ்ப்பாணத்தில் பாதுகாப்பை உறுதிப்படுத்த அதி நவீன கமராக்கள்

2011-01-08T07:12:00.001-08:00

யாழ்ப்பாணத்தில் பாதுகாப்பை உறுதிப்படுத்த அதி நவீன கமராக்கள்

யாழ்ப்பாணத்தில் பாதுகாப்பை உறுதிப்படுத்தும் நோக்கில் அதி நவீன கமராக்கள் பொருத்தப்பட உள்ளதாகத் தெரிவிக்கப்படுகிறது. அதன் முற்கட்டமாக யாழ்ப்பாண நகரில் இந்த கமராக்கள் பொருத்தப்பட உள்ளதாக அரசாங்கம் அறிவித்துள்ளது.

அதி நவீன கமராக்கள் பொருத்தப்பட்டு கண்காணிப்பு நடவடிக்கைகள் மேற்கொள்ளப்பட உள்ளதாகத் தெரிவிக்கப்படுகிறது. இவ்வாறு கமராக்கள் பொருத்தப்படாமையினால் பயங்கரவாத நடவடிக்ககைகள் மேற்கொள்ளப்பட்டதாக சுட்டிக்காட்டப்பட்டுள்ளது.
யாழ்ப்பாண நகரிற்கு பிரவேசிப்பதற்கான பாதைகள், முக்கிய நிலைகள் ஆகியன கண்காணிக்கப்படவுள்ளன.
அதி நவீன கமராக்கள் பொருத்தும் திட்டத்தின் கீழ் முதற்கட்டமாக கொழும்பிலும் இரண்டாம் கட்டமாக யாழ்ப்பாணத்திலும் இந்தக் கமராக்கள் பொருத்தப்பட உள்ளதாகத் தெரிவிக்கப்படுகிறது.

2010 இல் எந்திரன், 2011-ல் ‘ரா.ஒன்’?

2011-01-08T07:11:00.001-08:00

2010 எந்திரன்.. 2011-ல் ‘ரா.ஒன்’?

2010 ஆம் ஆண்டில் ரஜினியின் ‘எந்திரன்’ பெரும் வெற்றி பெற்றதை போல 2011-ல் தனது ‘ரா.ஒன்’ படம் இருக்க வேண்டும் என முனைப்பு காட்டி வருகிறார், நடிகர் ஷாருக்கான்.
‘சிவாஜி’யைத் தொடர்ந்து ‘ரோபா’ படத்தை இந்தியில் எடுக்கலாம் என்று நடிகர் ஷாருக்கான் அணுகினார் இயக்குனர் ஷங்கர். ஆனால், கருத்து வேறுபாடு காரணமாக அப்படத்தில் இருந்து ஷாரூக் விலகியதால், எந்திரன் வாய்ப்பு ரஜினிக்கு கிடைத்தது.
தற்போது நடிகர் ஷாருக்கான் நடித்து வரும் ‘ரா.ஒன்’ படத்தின் கதை விவரம் வெளியாகியுள்ளது. எந்திரன் படத்தை போலவே இரு வேடங்களில் ஷாருக்கான் நடித்து இருக்கிறார். விஞ்ஞானி ஒருவர் இரண்டு ரோபோக்களின் பெயர்களே ‘ரா.ஒன்’ மற்றும் ‘ஜி.ஒன்’.
ஷாருக்கான் விஞ்ஞானியாகவும் ரோபோவாக ‘ஜி.ஒன்’ ஆகவும் நடித்து இருக்கிறார். அர்ஜூன் ராம்பால் வில்லனாக ரா.ஒன்னில் நடித்து இருக்கிறார்.

ரா.ஒன் என்கிற ரோபோ கதாபாத்திரமும் எந்திரனில் சிட்டியாக ரஜினி நடித்தும் ஒன்று தான் என்கிறார்கள்.
எந்திரன் படத்தை விட ரா.ஒன் படத்தின் கிராபிக்ஸிலும், தரத்திலும் மிரட்டலாக இருக்க வேண்டும் என்று முனைப்பு காட்டி வருகிறார் ஷாருக்கான்.
எந்திரன் படத்தின் பிரத்யோக காட்சியில் கூட அமிதாப் பச்சன், அமீர்கான் ஆகியோர் கலந்து கொண்டாலும் ஷாருக்கான் கலந்து கொள்ளவில்லை.
2010ம் ஆண்டில் தீபாவளிக்கு முன்பு திரைக்கு வந்தது எந்திரன், 2011ம் ஆண்டில் தீபாவளிக்கு அன்று திரைக்கு வர இருக்கிறது ரா.ஒன்.

ஊடகவியலாளர்களை தாக்கியமைக்கான ஆர்ப்பாட்டம் இன்று.

2011-01-08T06:33:00.000-08:00

ஊடவியலாளர்களை தாக்கியமைக்காக கல்முனையில் இன்று ஊடகவியலாளர்கள், ஆர்ப்பாட்டம் ஒன்றை மேற்கொண்டனர். மேலும் ஊடகவியலாளரை தாக்கிய எம்.எம்.ஸி அமீர் மீது நடவடிக்கை எடுக்க வேண்டும் எனவும், இவ்வாரான அநாகரிகமான செயற்பாடுகளிள் ஈடுபடும் நபர்களுக்கு எதிராக தகுந்த நடவடிக்கை எடுக்க வேண்டும் என்று, இந்த ஆர்ப்பாட்டம் மேற்கொள்ளப்பட்டது.

இந்த ஆர்ப்பாட்டம் இன்று (சனிக்கிழமை Jan 2011) முற்பகல் 11.07 மணியளவில் கல்முனை மாநகரசபை முன்பாக இடம்பெற்றது.

வெள்ளத்தில் மூழ்கிய நீர்ப்பாசன மற்றும் நீர் முகாமைத்துவ பிரதி அமைச்சரின் வீடு

2010-12-31T00:46:00.005-08:00

வெள்ளத்தில் மூழ்கிய நீர்ப்பாசன மற்றும் நீர் முகாமைத்துவ பிரதி அமைச்சரின் வீடு

தற்போது வளிமண்டலத்தில் ஏற்பட்டுள்ள தாழ் அமுக்கம் காரணமாக இலங்கையின் பல்வேறு பகுதிகளில் கடும் மழை பெய்து வருவதுடன் வெள்ளமும் ஏற்பட்டுள்ளது.
வெள்ளம் காரணமாக ஆயிரக்கணக்கான மக்களின் வீடுகள் மற்றும் விவசாய காணிகள் நீரில் மூழ்கியுள்ளன.
இந்த நிலையில் வெள்ளத்தினால் நீர்ப்பாசன மற்றும் நீர் முகாமைத்துவ பிரதியமைச்சர் டபிள்யூ.பீ. ஏக்கநாயக்கவின் வீடும் நீரில் மூழ்கியுள்ளது.இதன் காரணமாக அவரும் அவரதுகுடும்பத்தினரும் தமது இருப்பிடங்களை விட்டு வெளியேறியுள்ளனர்.

வெள்ள நிவாரணம் வழங்குவது குறித்து மட்டக்களப்பில் கலந்துரையாடல்

2010-12-31T00:46:00.001-08:00

வெள்ள நிவாரணம் வழங்குவது குறித்து மட்டக்களப்பில் கலந்துரையாடல்

மட்டக்களப்பு மாவட்டத்தில் ஏற்பட்டுள்ள வெள்ள அனர்த்தம் தொடர்பாக விசேட மாநாடு ஒன்று மட்டக்களப்பு மாவட்ட செயலகத்தில் இன்று புதன்கிழமை நடைபெற்றது.
மட்டக்களப்பு மாவட்ட அரசாங்க அதிபர் சந்தரம் அருமைநாயகம் தலைமையில் நடைபெற்ற இக் கூட்டத்தில் மீள் குடியெற்ற பிரதியமைச்சர் விநாயக மூர்த்தி முரளிதரன் மாவட்ட மேலதிக அரசாங்க அதிபர் விமலநாதன் மாவட்ட அனர்த்த முகாமைத்துவ பதில் இணைப்பாளர் கசீர் மாவட்ட திட்டமிடல் பணிப்பாளர் இரா. நெடுஞ்செழியன் உட்பட பிரதேச செயலாளர்கள் மட்டக்களப்பு மாவட்டத்திலுள்ள அரச சார்பற்ற நிறுவனங்களின் பிரதி நிதிகள் அதிகாரிகள் கலந்து கொண்டனர்.
மட்டக்களப்பு மாவட்டத்தில் வெள்ளத்தினால் இடம்பெயர்ந்து நலன் புரி நிலையங்களில் தங்கியிருப்பவர்களின் நலன்கள் மற்றும் அவர்களுக்கு தேவையான வசதிகள் சமைத்த உணவு வழங்குதல் மற்றும் இடம்பெயர்ந்து நண்பர்கள் உறவினர்கள் வீடுகளில் தங்கியிருப்பவர்களுக்கான நிவாரனம் தொடர்பாக இக் கூட்டத்தில் ஆராயப்பட்டதுடன் கால்வாய்கள் வடிகான்கள் என்பவற்றை துப்பரவு செய்து வெள்ளத்தை ஓடவைப்பதற்கான நடவடிக்கைள் குறித்தும் இக்கூட்டத்தில் ஆராயப்பட்டன. _

8வது தேசிய சாரணர் ஜம்போரி நேற்று அம்பாந்தோட்டை

2010-12-27T19:11:00.000-08:00

8வது தேசிய சாரணர் ஜம்போரி நேற்று அம்பாந்தோட்டை அங்குனுகொல பெலஸ்ஸவில் ஆரம்பமாகியது. இதில் பிரதம அதிதியாகக் கலந்து கொள்ள வருகை தந்த ஜனாதிபதி மஹிந்த ராஜபக்ஷ அவர்களை சாரணச் சிறார்கள் வரவேற்று அழைத்து வருகின்றனர். எந்த சாரணர் ஜம்போரி நிகழ்வில் 40000 க்கு மேற்பட்ட மாணவர்கள் பங்குபற்றுகின்றனர்.
CLICK

மட்டக்களப்பில் வெள்ள அனர்த்தம் 2 இலட்சத்துக்கும் அதிகமானோர் பாதிப்பு

2010-12-27T19:06:00.000-08:00

மட்டக்களப்பில் வெள்ள அனர்த்தம் 2 இலட்சத்துக்கும் அதிகமானோர் பாதிப்பு

10 முகாம்களில் மக்கள் தஞ்சம்

வடகீழ் பருவமழை காரணமாக மட்டக்களப்பு மாவட்டத்தில் ஏற்பட்டுள்ள வெள்ள அனர்த்தத்தினால் 55 ஆயிரம் குடும்பங்களைச் சேர்ந்த 2 இலட்சத்து 12 ஆயிரத்து 211 பேர் பாதிக்கப்பட்டுள்ளதாக மதிப்பீடு செய்யப்பட்டுள்ளதாக அனர்த்த முகாமைத்துவ நிலையத்தின் மாவட்ட பதில் இணைப்பாளர் ஏ.எம்.எம்.ஹஸீர் தெரிவித்துள்ளார்.
744 குடும்பங்களைச் சேர்ந்த 2951 பேர் இடம்பெயர்ந்து கிரான், ஏறாவூர்பற்று, வாகரை மற்றும் ஏறாவூர்நகர் ஆகிய பிரதேசங்களில் அமைக்கப்பட்டுள்ள பத்து முகாம்களில் தஞ்சமடைந்துள்ளனர். உன்னிச்சை, வாகனேரி, ×கம் ஆகிய குளக்கதவுகள் திறந்து விடப்பட்டுள்ளன. வெள்ள அனர்த்தத்தினால் 99 வீதிகள், களிமண் குடிசைகள் முழுமையாகச் சேத மடைந்துள்ளதாகவும் 433 வீடுகள் பகுதியளவில் சேதமடைந்துள்ளதாகவும் அனர்த்த முகாமைத்துவ நிலையம் தெரிவித்துள்ளது.
கிரான், ஈரளக்குளம், கொம்மாதுரை தீவு மற்றும் வெல்லாவெளி ஆகிய இடங்களில் வீதிகள் வெள்ளத்தில் மூழ்கியுள்ளதனால் போக்குவரத்துத் துண்டிக்கப்பட்டுள்ளது.வெருகல்துறை ஊடான பாதை தடைப்பட்டுள்ளதன் காரணமாக மட்டக்களப்பு வாகரை வழியாகத் திருகோணமலைக்கான போக்குவரத்துச் சேவை இடைநிறுத்தப்பட்டுள்ளது.
வாகரை, ஆரையம்பதி, ஏறாவூர்ப் பற்று, பட்டிப்பளை ஆகிய இடங்களிலேயே வீடுகள், குடிசைகள் சேதமடைந்துள்ளன. இதையடுத்து நலன்புரி முகாம்களில் தங்கியுள்ள குடும்பங்களுக்கு அரசு மற்றும் தொண்டர் நிறுவனங்களின் ஒத்துழைப்புடன் உணவு மற்றும் பாவனைப் பொருட்களும் வழங்கப்படுவதாகவும் மாவட்ட பதில் இணைப்பாளர் ஏ.எம்.எம்.ஹஸீர் குறிப்பிட்டார்.

காட்டுக்குள் வினோத உருவம் படம் பிடித்தபோது தடுமாற்றத்தில் கமெரா உடைந்ததாம் திகில் படங்கள் இணைக்கப்பட்டுள்ளன

2010-12-27T05:37:00.000-08:00

காட்டுக்குள் வினோத உருவம் படம் பிடித்தபோது தடுமாற்றத்தில் கமெரா உடைந்ததாம் திகில் படங்கள் இணைக்கப்பட்டுள்ளன

அமெரிககாவில் மான் வேட்டையாடக் காட்டுக்குச் சென்ற ஒருவர் தான் அடர்ந்த காட்டுக்குள் இந்த உருவத்தைக் கண்டு படம் பிடித்ததாகக் கூறி வேட்டை நிகழ்வுகள் சம்பந்தமான ஒரு இணையத்தளத்துக்கு இந்தப் படத்தை அனுப்பி வைத்துள்ளார்.
இந்த நபர் தன்னை அடையாளம் காட்ட விரும்பவில்லை. இந்தப் படத்தை எடுத்தபோது தான் பெரும் அச்சமடைந்ததாகவும், தடுமாற்றத்தில் தனது கமரா கூட உடைந்துவிட்டதாகவும் அவர் கூறியுள்ளார்.
கமரா உடைந்தபோதும் அதிலிருந்த மெமரி கார்ட்டுக்கு எதுவும் ஏற்படவில்லை என்றும் அவர் குறிப்பிட்டுள்ளார். சுப்பர்மேன் போல் காட்சியளித்த இந்த உருவம் காட்டுக்குள் மறைந்துவிட்டதாகவும் அவர் கூறியுள்ளார்.

News Portal and Entertainment

​தெஹிவளை மேம்பாலத்திற்கு முன்னால் முற்சக்கர வண்டி ஒன்று விபத்துக்குள்ளாயின! (2011.02.17)

கொழும்பு நீதிமன்றில் கைதிகள் கைகலப்பு

பாதிக்கப்பட்டோருக்கு உடனடி நிவாரணம் வழங்குமாறு ஜனாதிபதியிடம் அமைச்சர் ஹக்கீம் வேண்டுகோள்

கிழக்கிலங்கையில் வெள்ளத்தால் பாதிக்கப்பட்டுள்ளவர்களுக்கு நிவாரண உதவி

வலப்பனையில் மண்சரிவு

வலப்பனையில் மண்சரிவு

மாத்தளையில் கடும் மழை: அவசரகாலச் சூழ்நிலை பிரகடனம்.

மாத்தளையில் கடும் மழை: அவசரகாலச் சூழ்நிலை பிரகடனம்.

கொழும்பு மாளிகாவத்தை பிரதேசத்தில் சட்டவிரோத கட்டிடங்கள் அகற்றப்பட்டன.

கொழும்பு மாளிகாவத்தை பிரதேசத்தில் சட்டவிரோத கட்டிடங்கள் அகற்றப்பட்டன.

Server is reactive!!!

கிழக்கு மாகாண நிலைமை! 502 முகாம்களில் பாதிக்கப்பட்ட மக்கள்!! வெள்ளத்தில் சிக்குண்டு 18பேர் உயிரிழப்பு

வாட்டி வதைக்கிறது குளிர்! மட்டக்களப்பு, வாகரையில் குளிரில் விறைத்து 5 போ் மரணம்

கணனிக்குள் கஞ்சா: இளைஞர்கள் ஐவர் கைது _

மழை,வெள்ளம் காரணமாக 750, 000 பேர் பாதிப்பு; பத்துப் பேர் மரணம்

வட.கிழக்கில் 3 இலட்சத்து 7 ஆயிரம் மிதிவெடிகள் அகற்றப்பட்டுள்ளன

வீட்டின்முன் வந்துநின்ற ஹைஎஸ் வானைக் கண்டு ஓடிய வர்த்தகரை பதம் பார்த்தது போத்தல் ஓடு

இலங்கை முழுவதும் பெய்த அடைமழை........

வீட்டிலிருந்த பெண் அடித்துக் கொலை! கொலையாளி தப்பியோட்டம்.05/01/11

வீட்டிலிருந்த பெண் அடித்துக் கொலை! கொலையாளி தப்பியோட்டம்.05/01/11

யாழ். செம்மணியில் அரைகுறை ஆடைகளுடன் இளைஞர் கும்பல் அட்டகாசம்!

யாழ். செம்மணியில் அரைகுறை ஆடைகளுடன் இளைஞர் கும்பல் அட்டகாசம்!

யாழ்ப்பாணத்தில் பாதுகாப்பை உறுதிப்படுத்த அதி நவீன கமராக்கள்

யாழ்ப்பாணத்தில் பாதுகாப்பை உறுதிப்படுத்த அதி நவீன கமராக்கள்

2010 இல் எந்திரன், 2011-ல் ‘ரா.ஒன்’?

2010 எந்திரன்.. 2011-ல் ‘ரா.ஒன்’?

ஊடகவியலாளர்களை தாக்கியமைக்கான ஆர்ப்பாட்டம் இன்று.

வெள்ளத்தில் மூழ்கிய நீர்ப்பாசன மற்றும் நீர் முகாமைத்துவ பிரதி அமைச்சரின் வீடு

வெள்ளத்தில் மூழ்கிய நீர்ப்பாசன மற்றும் நீர் முகாமைத்துவ பிரதி அமைச்சரின் வீடு

வெள்ள நிவாரணம் வழங்குவது குறித்து மட்டக்களப்பில் கலந்துரையாடல்

வெள்ள நிவாரணம் வழங்குவது குறித்து மட்டக்களப்பில் கலந்துரையாடல்

8வது தேசிய சாரணர் ஜம்போரி நேற்று அம்பாந்தோட்டை

மட்டக்களப்பில் வெள்ள அனர்த்தம் 2 இலட்சத்துக்கும் அதிகமானோர் பாதிப்பு

மட்டக்களப்பில் வெள்ள அனர்த்தம் 2 இலட்சத்துக்கும் அதிகமானோர் பாதிப்பு

தெஹிவளை மேம்பாலத்திற்கு முன்னால் முற்சக்கர வண்டி ஒன்று விபத்துக்குள்ளாயின! (2011.02.17)